03296,inniTimUlaMbISvaruDA

ఇన్నిటి మూలంబీశ్వరుడాతని
మన్నన కొలదినె మలయుట గాక


మాయ మయమై మనియెడి జగమిది
చాయల నిందు నిజము కలదా
కాయము సుఖ దూఃఖములకు పొత్తిది
రేయి పగలు ఒకరీతే కలదా

దైవాధీనము తగు సంసారము
వావిరి జీవుల వసమౌనా
ధావతి మనసిది తన కర్మ మూలము
వేవేలైనా విడువగ వశమా

పంచేంద్రియముల పరగేటి బ్రతుకిది
చంచలంబు నిశ్చల మౌనా
ఎంచగ శ్రీ వేంకటేశ్వరు కృప తో
సంచయ మైతే సతమౌ గాక

Get this widget | Track details | eSnips Social DNA

inniTi mUlambISwaruDaatani
mannana koladine malayuTa gaaka


maaya mayamai maniyeDi jagamidi
chaayala nindu nijamu kaladaa
kaayamu sukha dua@hkhamulaku pottidi
rEyi pagalu okareetE kaladaa

daivaadheenamu tagu samsaaramu
vaaviri jeevula vasamounaa
dhaavati manasidi tana karma mUlamu
VEvElainaa viDuvaga vaSamaa

panchEmdriyamula paragETi bratukidi
chamchalambu niSchala mounaa
emchaga SrI vEnkaTESwaru kRpa tO
samchaya maitE satamou gaaka

05301,pratilEni pUja dalapaMga kOTi maNugulai

ప|| ప్రతిలేని పూజ దలపంగ కోటి మణుగులై |
అతివ పరవశము బ్రహ్మానందమాయె ||

చ|| మానినీమణి మనసు మంచి యాసనమాయె |
ఆనందబాష్ప జలమర్ఘ్యాదులాయె |
మీనాక్షి కనుదోయి మించు దీపములాయె |
ఆనన సుధారసంబు అభిషేకమాయె ||

చ|| మగువ చిరునగవులే మంచి క్రొవ్విరులాయె |
తగుమేని తావి చందనమలదుటాయె |
నిగనిగ నీతనుకాంతి నీరాజనంబాయె |
జగడంపుటలుకలు ఉపచారంబులాయె ||

చ|| ననుపైన పొందులె నైవేద్య తతులాయె |
తనివోని వేడుకలు తాంబూలమాయె |
వనిత శ్రీవేంకటేశ్వరుని కౌగిట జేయు |
వినయ వివరంబు లరవిరి మ్రొక్కులాయె ||


http://www.esnips.com/doc/58715da2-7461-4f24-889e-3471718052fd/PRATHILENI-POOJA

pa|| pratilEni pUja dalapaMga kOTi maNugulai |
ativa paravaSamu brahmAnaMdamAye ||

ca|| mAninImaNi manasu maMci yAsanamAye |
AnaMdabAShpa jalamarGyAdulAye |
mInAkShi kanudOyi miMcu dIpamulAye |
Anana sudhArasaMbu aBiShEkamAye ||

ca|| maguva cirunagavulE maMci krovvirulAye |
tagumEni tAvi caMdanamaladuTAye |
niganiga nItanukAMti nIrAjanaMbAye |
jagaDaMpuTalukalu upacAraMbulAye ||

ca|| nanupaina poMdule naivEdya tatulAye |
tanivOni vEDukalu tAMbUlamAye |
vanita SrIvEMkaTESvaruni kaugiTa jEyu |
vinaya vivaraMbu laraviri mrokkulAye ||

04342.saMdekADa buTTinaTTi cAyala paMTa

సందెకాడ బుట్టినట్టి చాయల పంట
యెంత-చందమాయ చూడరమ్మ చందమామ పంట॥

మునుప పాలవెల్లి మొలచి పండినపంట
నినుపై దేవతలకు నిచ్చపంట
గొనకొని హరికన్ను గొనచూపులపంట
వినువీధి నెగడిన వెన్నెలల పంట॥

వలరాజు పంపున వలపు విత్తిన పంట
చలువై పున్నమనాటి జాజరపంట
కలిమి కామిని తోడ కారుకమ్మినపంట
మలయుచు తమలోని మర్రిమాని పంట॥

విరహుల గుండెలకు వెక్కసమైన పంట
పరగచుక్కలరాసి భాగ్యము పంట
అరుదై తూరుపుకొండ నారగబండినపంట
యిరవై శ్రీ వేంకటేశునింటిలోని పంట॥

http://www.esnips.com/doc/69124779-bac0-45b8-bca3-71971041db03/SANDEKAADA-PUTTINATTI

saMdekADa buTTinaTTi cAyala paMTa
yeMta caMdamAya cUDaramma caMdamAma paMTa

munupa pAlavelli molaci paMDinapaMTa
ninupai dEvatalaku niccapaMTa
gonakoni harikannu gonacUpulapaMTa
vinuvIdhi negaDina vennelala paMTa||

valarAju paMpuna valapu vittina paMTa
caluvai punnamanATi jAjarapaMTa
kalimi kAmini tODa kArukamminapaMTa
malayucu tamalOni marrimAni paMTa ||

virahula guMDelaku vekkasamaina paMTa
paragacukkalarAsi BAgyamu paMTa
arudai tUrupukoMDa nAragabaMDinapaMTa
yiravai SrI vEMkaTESuniMTilOni paMTa!!

04029,అనాది జగమునకౌ,anAdi jagamunakau

అనాది జగమునకౌ భళము
అనేకాద్భుతంబౌ భళము

హరి నివాస మీయౌ భళము
అరిది పరమ పదమౌ భళము
అరిదైత్యాంతకమౌ భళము
హరముఖ సేవితమౌ భళము

అమలరమాకరమౌ భళము
అమితమునీంద్రంబౌ భళము
అమరవందితంబౌ భళము
అమరె బుణ్యములనౌ భళము

అగరాజంబీ యౌ భళము
అగణిత తీర్థంబౌ భళము
తగు శ్రీవేంక ధామ విహారం-
బగు శుభాంచితంబౌ భళము

http://www.esnips.com/doc/72e4bcbf-d2ef-4078-ac80-f0365d15cfe6/ANAADI-JAGAMUNAKU-AVU-PHALAMU


By BKP

http://www.esnips.com/doc/58150083-8686-4b75-a6a2-51a007d58cef/anadi-jagamuna

anAdi jagamunakau BaLamu
anEkAdButaMbau BaLamu

hari nivAsa mIyau BaLamu
aridi parama padamau BaLamu
aridaityAMtakamau BaLamu
haramuKa sEvitamau BaLamu

amalaramAkaramau BaLamu
amitamunIMdraMbau BaLamu
amaravaMditaMbau BaLamu
amare buNyamulanau BaLamu

agarAjaMbI yau BaLamu
agaNita tIrthaMbau BaLamu
tagu SrIvEMka dhAma vihAraM-
bagu SuBAMcitaMbau BaLamu

04339, nATakamiMtA navvulakE

నాటకమింతా నవ్వులకే |
పూటకు బూటకు బొల్లైపోవు ||

కోటి విద్యలును గూటి కొఱకే పో |
చాటున మెలగేటి శరీరికి |
తేటల నాకలి దీరిన పిమ్మట |
పాటుకు బాటే బయలైపోవు ||

మెఱసేటి దెల్లా మెలుతల కొరకే |
చెఱలదేహముల జీవునికి |
అఱమరపుల సుఖమందిన పిమ్మట |
మెఱుగుకు మెఱుగే మొయిలై పోవు |

అన్ని చదువులును నాతని కొరకే |
నన్నెరిగిన సుజ్ఞానికిని |
యిన్నిట శ్రీ వేంకటేశు దాసునికి |
వెన్నెల మాయలు విడివిడి పోవు |

http://www.esnips.com/doc/b3978b85-ab43-4045-a8fa-b171668a8a07/NATAKAMINTAA


nATakamiMtA navvulakE |
pUTaku bUTaku bollaipOvu ||

kOTi vidyalunu gUTi korxakE pO |
cATuna melagETi SarIriki |
tETala nAkali dIrina pimmaTa |
pATuku bATE bayalaipOvu ||

merasETi dellA melutala korakE |
cerxaladEhamula jIvuniki |
arxamarapula suKamaMdina pimmaTa |
merxuguku merxugE moyilai pOvu |

anni caduvulunu nAtani korakE |
nannerigina suj~jAnikini |
yinniTa SrI vEMkaTESu dAsuniki |
vennela mAyalu viDiviDi pOvu |

02472, paTTalEni manaBrama gAka

పట్టలేని మనభ్రమ గాక
నెట్టన దా గరుణించనివాడా

హితప్రవర్తకు డీశ్వరుడు
తతి నంతరాత్మ తాగాన
రతి నాతని దూరగనేలా
గతియని తలచిన కావనివాడా

తెగనిబంధువుడు దేవుడు
బగివాయ డిహము బరమునను
అగపడి సందేహములేలా
తగ నమ్మిన దయదలచనివాడా

హృదయము శ్రీ వేంకటేశ్వరుడు
మొదలనే ఆనందమూర్తిగన
కదిసి వెలిని వెదకగనేలా
యెదుర గనిన వరమియ్యనివాడా


http://www.esnips.com/doc/48e7c06a-164c-47d0-aa5b-719640ea919a/PATTALENI-MANA-BRAMA

paTTalEni manaBrama gAka
neTTana dA garuNiMcanivADA

hitapravartaku DISvaruDu
tati naMtarAtma tAgAna
rati nAtani dUraganElA
gatiyani talacina kAvanivADA

teganibaMdhuvuDu dEvuDu
bagivAya Dihamu baramunanu
agapaDi saMdEhamulElA
taga nammina dayadalacanivADA

hRudayamu SrI vEMkaTESvaruDu
modalanE AnaMdamUrtigana
kadisi velini vedakaganElA
yedura ganina varamiyyanivADA

02504,ఇతని ప్రసాదమె ఇన్నియును,itani prasAdamE

ఇతని ప్రసాదమే యిన్నియును
గతి యితనిదేకన కాదనరాదు

కాయములో నొక ఘనసంసారము
ప్రాయంబులతో బ్రబలీని
ఆయ మందుకును హరి దానేయై
దాయక పాయక తగిలున్నాడు

వొనరినకలలో నొక సంసారము
మనసుతోడనే మలసీని
ననిచి యందుకును నారాయణుడై
కొన మొదలై తా గురియైనాడు

వుడిబడి కోర్కుల నొక సంసారము
బడి బడి యాసల బరగీని
విడువక యిది శ్రీ వేంకటేశ్వరుడే
తొడిబడ గల్పించి ధ్రువమయినాడు


http://www.esnips.com/doc/7908820e-1d99-4426-a7c1-9d508d36b8c4/ITANI-PRASAADAME

itani prasAdamE yinniyunu
gati yitanidEkana kAdanarAdu

kAyamulO noka GanasaMsAramu
prAyaMbulatO brabalIni
Aya maMdukunu hari dAnEyai
dAyaka pAyaka tagilunnADu

vonarinakalalO noka saMsAramu
manasutODanE malasIni
nanici yaMdukunu nArAyaNuDai
kona modalai tA guriyainADu

vuDibaDi kOrkula noka saMsAramu
baDi baDi yAsala baragIni
viDuvaka yidi SrI vEMkaTESvaruDE
toDibaDa galpiMci dhruvamayinADu

01416,teliyarAdu mAyAdEhamA mammu

ప|| తెలియరాదు మాయాదేహమా మమ్ము | పలువికారాలబెట్టి పనిగొన్న దేహమా ||

చ|| దినమొక్కవయసెక్కే దేహమా సారె | పెనుమదముగురిసేబెండు దేహమా |
దినదినరుచిగోరే దేహమా నన్ను | ఘనమోహపాశాల గట్టెగదె దేహమా ||

చ|| తెలివినిద్రలుగల దేహమా నీ- | పొలము పంచభూతాలపొత్తు దేహమా |
తిలకించి పాపపుణ్యాల దేహమా | బలుపుగలదాకా బదుకవో దేహమా ||

చ|| తీరనిసంసారపు దేహమా యిట్టె | వూరట లేనిభోగాల వోదేహమా |
కూరిమి శ్రీవేంకటేశు గొలిచితినిక నాకు | కారణజన్మమవై కలిగిన దేహమా ||

http://www.esnips.com/doc/c6d3bd24-244a-4ac7-bd34-1a5cd2192b2d



pa|| teliyarAdu mAyAdEhamA mammu | paluvikArAlabeTTi panigonna dEhamA ||

ca|| dinamokkavayasekkE dEhamA sAre | penumadamugurisEbeMDu dEhamA |
dinadinarucigOrE dEhamA nannu | GanamOhapASAla gaTTegade dEhamA ||

ca|| telivinidralugala dEhamA nI- | polamu paMcaBUtAlapottu dEhamA |
tilakiMci pApapuNyAla dEhamA | balupugaladAkA badukavO dEhamA ||

ca|| tIranisaMsArapu dEhamA yiTTe | vUraTa lEniBOgAla vOdEhamA |
kUrimi SrIvEMkaTESu golicitinika nAku | kAraNajanmamavai kaligina dEhamA ||

03022,ఇతరచింత లిక యేమిటికి

ప|| ఇతరచింత లిక యేమిటికి | అతడే గతియై అరసేటివాడు ||

చ|| కర్మ మూలమే కాయము నిజ | ధర్మ మూలమే తన యాత్మ |
అర్మిలి రెంటికి హరి యొకడే | మర్మ మీతడే మనిపేటి వాడు ||

చ|| బహుభోగ మయము ప్రపంచము | నిహిత జ్ఞానము నిజముక్తి |
ఇహపరములకును ఈశ్వరుడే | సహజ కర్తయై జరిపేటి వాడు ||

చ|| అతి దుఃఖకరము లాసలు | సతత సుఖకరము సమవిరతి |
గతి యలమేల్మంగతో శ్రీ వేంకట | పతి యొకడిన్నిట పాలించువాడు ||


http://www.esnips.com/doc/f642a122-b202-4714-976e-3e638e6cc6ae/ITARA-CHINTALU-IKA


pa|| itaraciMta lika yEmiTiki | ataDE gatiyai arasETivADu ||

ca|| karma mUlamE kAyamu nija | dharma mUlamE tana yAtma |
armili reMTiki hari yokaDE | marma mItaDE manipETi vADu ||

ca|| bahuBOga mayamu prapaMcamu | nihita jnAnamu nijamukti |
ihaparamulakunu ISvaruDE | sahaja kartayai jaripETi vADu ||

ca|| ati duHKakaramu lAsalu | satata suKakaramu samavirati |
gati yalamElmaMgatO SrI vEMkaTa | pati yokaDinniTa pAliMcuvADu ||

03019,kaDu naj~jnAnapu karavu kAla mide

కడు నజ్ఞ్నానపు కరవు కాల మిదె
వెడల దొబ్బి మా వెరపు దీర్చవే

పాపపుపసురము బందెలు మేయగ
పోపుల పుణ్యము పొలివోయ
శ్రీపతి నీకే చేయి చాచెదము
యేపున మమ్మిక నీడేర్చవే

యిల గలియుగమను యెండలు గాయగ
చెలగి ధర్మమనుచెరు వింకె
పొలసి మీకృపాంబుధి చేరితి మిదె
తెలిసి నా దాహము తీర్చవే.

వడిగొని మనసిజవాయువు విసరగ
పొడవగు నెఱుకలు పుటమెగసె
బడి శ్రీ వేంకటపతి నీ శరణము
విడువక చొచ్చితి వెస గావగదే

http://www.esnips.com/doc/bbb2f049-464f-4de7-89af-e428a31267f7/KADU-AJNANAPU-KARUVU


kaDu naj~jnAnapu karavu kAla mide
veDala dobbi mA verapu dIrcavE

pApapupasuramu baMdelu mEyaga
pOpula puNyamu polivOya
SrIpati nIkE cEyi cAcedamu
yEpuna mammika nIDErcavE

yila galiyugamanu yeMDalu gAyaga
celagi dharmamanuceru viMke
polasi mIkRupAMbudhi cEriti mide
telisi nA dAhamu tIrcavE.

vaDigoni manasijavAyuvu visaraga
poDavagu nerxukalu puTamegase
baDi SrI vEMkaTapati nI SaraNamu
viDuvaka cocciti vesa gAvagadE

01354,ekkaDa nunnA nItaDu

ఎక్కడ నున్నా నీతడు
దిక్కయి మాదెస దిరిగీ గాక

సరసుడు చతురుడు జగదేకగురుడు
పరమాత్ము డఖిలబంధువుడు
హరి లోకోత్తరు డతడే నామతి
సిరితో బాయక చెలగీ గాక

ఉన్నతోన్నతు డుజ్జ్వలు డధికుడు
పన్నగశయనుడు భవహరుడు
యిన్నిట గలిగిన యిందిరా రమణుడు
మన్ననతో మము మనిపీ గాక

మమతల నలమేల్మంగకు సంతత-
రమణుడు వేంకటరాయడు
జమళిసంపదల సరసవిభవముల
తమకంబున మము దనిపీ గాక

http://www.esnips.com/doc/25b9f2f3-b2d9-47a0-9049-abfb5b73e048/EKKADA-NUNNA--ITADU
ekkaDa nunnA nItaDu
dikkayi mAdesa dirigI gAka

sarasuDu caturuDu jagadEkaguruDu
paramAtmu DaKilabaMdhuvuDu
hari lOkOttaru DataDE nAmati
siritO bAyaka celagI gAka

unnatOnnatu Dujjvalu DadhikuDu
pannagaSayanuDu bhavaharuDu
yinniTa galigina yiMdirA ramaNuDu
mannanatO mamu manipI gAka

mamatala nalamElmaMgaku saMtata-
ramaNuDu vEMkaTarAyaDu
jamaLisaMpadala sarasavibhavamula
tamakaMbuna mamu danipI gAka

02137,velupala marxavaka lOpala lEdu

వెలుపల మఱవక లోపల లేదు వెలుపల గలిగిన లోపల మఱచు |
చలమున నిదియే ఘడియ ఘడియకును సాధించినసుఖ మటు దోచు ||

వెలుపల వెలిగే చూడగ లోపలి వెడచీకటి గాననియట్లు |
అలరి ప్రపంచజ్ఞానికి దనలో నాత్మజ్ఞానము గనరాదు |
పలుమరు చీకటి చూడగ జూడగ బయలే వెలుగై తోచినయట్లు |
అలయక తనలోచూపు చూచినను అంతరంగమున హరి గనును ||

జాగరమే కడు జేయగ జేయగ సతతము నిద్దుర రానట్లు |
చేగలనింద్రియములలో దిరిగినచిత్తవికారము లయపడదు |
యీగతి నిద్దుర వోగా బోగా నిలలో సుద్దులు యెఱగనియట్టు |
యోగపుటేకాంతంబును దనమన సొగి మరవగ మరవగ హరి గనును ||


దేహపుటాకాశపునిట్టూర్పులు బాహిరపుబయట నడగినయట్లు |
ఆహా జీవునిజననమరణములు అందే పొడముచు నందడగు |
వూహల శ్రీవేంకటపతివాయువు కొగి నాకాశము నొక్కసూత్రము |
ఆహా ప్రాణాపానవాయువులు ఆతుమనిలుపుటేహరి గనుట ||

http://www.esnips.com/doc/e0ab5308-152a-4184-acb5-fab2e4908da6/VELUPALA-MARUVAKA


velupala marxavaka lOpala lEdu velupala galigina lOpala marxacu |
calamuna nidiyE GaDiya GaDiyakunu sAdhiMcinasuKa maTu dOcu ||

velupala veligE cUDaga lOpali veDacIkaTi gAnaniyaTlu |
alari prapaMcaj~jAniki danalO nAtmaj~jAnamu ganarAdu |
palumaru cIkaTi cUDaga jUDaga bayalE velugai tOcinayaTlu |
alayaka tanalOcUpu cUcinanu aMtaraMgamuna hari ganunu ||

jAgaramE kaDu jEyaga jEyaga satatamu niddura rAnaTlu |
cEgalaniMdriyamulalO diriginacittavikAramu layapaDadu |
yIgati niddura vOgA bOgA nilalO suddulu yerxaganiyaTTu |
yOgapuTEkAMtaMbunu danamana sogi maravaga maravaga hari ganunu ||


dEhapuTAkASapuniTTUrpulu bAhirapubayaTa naDaginayaTlu |
AhA jIvunijananamaraNamulu aMdE poDamucu naMdaDagu |
vUhala SrIvEMkaTapativAyuvu kogi nAkASamu nokkasUtramu |
AhA prANApAnavAyuvulu AtumanilupuTEhari ganuTa ||

17494,kOTi manmadhAkAra gOviMda kRuShNa

కోటి మన్మధాకార గోవింద కృష్ణ
పాటించి నీ మహిమలే పరబ్రహ్మ మాయ

ఆకాశమువంటిమేన నమరేమూర్తివి గాన
ఆకాశనదియె నీకు నభిషేకము
మేకొని నీవే నిండు మేఘవర్ణుడవు గాన
నీకు మేఘపుష్పాలే పన్నీరుకాపు

చంద్రుడు నీ మనసులో జనియించె నటుగాన
చంద్రికలు కప్రకాపై సరి నిండెను
యింద్రనీలపు గనులు యిలధరుడవు గాన
తంద్ర లేక యాపెచూపె తట్టుపుణుగాయను

లక్ష్మీపతివి గాన లాగులు నీ వురము పై
లక్ష్మీ యలమేలుమంగే లలి నీతాళి
సూక్ష్మమై శ్రీ వేంకటేశ చుక్కలపొడవు గాగ
పక్ష్మనక్షత్రములే యాభరణహారములు
http://www.esnips.com/doc/68d72e70-b9d3-49b4-875e-f7391370b26f/KOTI-MANMADAAKAARA


kOTi manmadhAkAra gOviMda kRuShNa
pATiMci nI mahimalE parabrahma mAya

AkASamuvaMTimEna namarEmUrtivi gAna
AkASanadiye nIku nabhiShEkamu
mEkoni nIvE niMDu mEghavarNuDavu gAna
nIku mEghapuShpAlE pannIrukApu

caMdruDu nI manasulO janiyiMce naTugAna
caMdrikalu kaprakApai sari niMDenu
yiMdranIlapu ganulu yiladharuDavu gAna
taMdra lEka yApecUpe taTTupuNugAyanu

lakShmIpativi gAna lAgulu nI vuramu pai
lakShmI yalamElumaMgE lali nItALi
sUkShmamai SrI vEMkaTESa cukkalapoDavu gAga
pakShmanakShatramulE yAbharaNahAramulu

02136, paramAtmu DokkaDE paramapAvanuDugana

పరమాత్ము డొక్కడే పరమపావనుడుగన
పరిపూర్ణుడనెడి యీభావమే చాలు


హేయ మిందే దుపాదేయ మిందేది
బాయిటనే హరి సర్వ పరిపూర్ణుడు
సేయునెడ గుణభావజీవకల్పనము లివి
రోయజూచిన దనదుకాయమే రోత


జాతి యిందే దంత్యజాతి యిందేది
జాతులిన్నిటా నాత్మ సర్వేశుడు
ఆతలను అంటుముట్టనెడి భావనలెల్ల
బాతిపడి యెఱగనోపని వెలితే తనది


తెలివి గలదాకా దెగని మఱగు లివి
తెలిసినంతటి మీద దీరు సంశయము
యిలలోన శ్రీ వేంకటేశ్వరుని కరుణచే
వెలసి యీ జ్ఞానంబు విడువకు మనసా

http://www.esnips.com/doc/c627d22d-2342-4da4-996c-74b540f0f48b/PARAMATMUDOKKADE-PARAMA-PAVANUDU


Meaning of

హేయ మిందే దుపాదేయ మిందేది

which is to be given up and which is to be taken up?

Pls refer



http://www.svbf.org/journal/vol1no1/prasnottara.pdf



paramAtmu DokkaDE paramapAvanuDugana
paripUrNuDaneDi yIBAvamE cAlu


hEya miMdE dupAdEya miMdEdi
bAyiTanE hari sarva paripUrNuDu
sEyuneDa guNaBAvajIvakalpanamu livi
rOyajUcina danadukAyamE rOta


jAti yiMdE daMtyajAti yiMdEdi?
jAtulinniTA nAtma sarvESuDu
Atalanu aMTumuTTaneDi BAvanalella
bAtipaDi yerxaganOpani velitE tanadi

telivi galadAkA degani marxagu livi
telisinaMtaTi mIda dIru saMSayamu
yilalOna SrI vEMkaTESvaruni karuNacE
velasi yI j~jAnaMbu viDuvaku manasA

02232, paramAtmuDu sarva paripUrNuDu

పరమాత్ముడు సర్వ పరిపూర్ణుడు
సురలకు నరులకు చోటయియున్నాడు

కన్నుల గంటానే కడు మాటలాడుతానే
తన్ను గానివాని వలె దాగియున్నాడు
అన్నియు వింటానే అట్టె వాసనగొంటానే
వన్నెల నూనెకుంచము వలె నున్నాడు

తనువులు మోచియు తలపులు దెలిసియు
యెనసియునెనయక యిట్లున్నాడు
చెనకి మాయకు మాయై జీవునికి జీవమై
మొనసి పూసలదారమువలె నున్నాడు

వేవేలు విధములై విశ్వమెల్లా నొకటై
పూవులవాసనవలె బొంచియున్నాడు
భావించ నిరాకారమై పట్టితే సాకారమై
శ్రీ వేంకటాద్రిమీద శ్రీ పతై యున్నాడు


http://www.esnips.com/doc/9cbd0e13-59fa-4a1c-ab00-9eb67d818042/PARAMATMUDU


paramAtmuDu sarva paripUrNuDu
suralaku narulaku cOTayiyunnADu

kannula gaMTAnE kaDu mATalADutAnE
tannu gAnivAni vale dAgiyunnADu
anniyu viMTAnE aTTe vAsanagoMTAnE
vannela nUnekuMcamu vale nunnADu

tanuvulu mOciyu talapulu delisiyu
yenasiyunenayaka yiTlunnADu
cenaki mAyaku mAyai jIvuniki jIvamai
monasi pUsaladAramuvale nunnADu

vEvElu vidhamulai viSvamellA nokaTai
pUvulavAsanavale boMciyunnADu
bhAviMca nirAkAramai paTTitE sAkAramai
SrI vEMkaTAdrimIda SrI patai yunnADu

02225, iha parasAdhana mI talapu

http://www.esnips.com/doc/ffe56f5e-0e4e-4e9b-889c-8eac71f926a8/IHA-PARA-SAADHANAMEE-TALAPU


ఇహ పరసాధన మీ తలపు
సహజ జ్ఞ్నానికి సత మీ తలపు

సిరులు ముంగిటను జిగి దడబడగా
హరిని మఱవనిది యది దలపు
సరి గాంత లెదుట సందడి గొనగా
తిరమయి భ్రమయనిదే తలపు

వొడలి వయోమద ముప్పతిల్లినను
అడచి మెలంగుట యది దలపు
కడగుచు సుఖదు:ఖములు ముంచినను
జడియని నామస్మరణమే తలపు

మతి సంసారపు మాయ గప్పినను
అతికాంక్ష జొరని దది తలపు
గతియై శ్రీ వేంకటపతి గాచిన
సతతము నితనిశరణమే తలపు



iha parasAdhana mI talapu
sahaja j~jnAniki sata mI talapu

sirulu muMgiTanu jigi daDabaDagA
harini marxavanidi yadi dalapu
sari gAMta leduTa saMdaDi gonagA
tiramayi BramayanidE talapu

voDali vayOmada muppatillinanu
aDaci melaMguTa yadi dalapu
kaDagucu suKadu:Kamulu muMcinanu
jaDiyani nAmasmaraNamE talapu

mati saMsArapu mAya gappinanu
atikAMkSha jorani dadi talapu
gatiyai SrI vEMkaTapati gAcina
satatamu nitaniSaraNamE talapu